AURREELABORAZIOAK

• Alberjiniak: garbitu eta kendu txortena; luzetara ireki; mamia atera goilaraz baliatuz; mamia paisana erara txikitu. Gorde  alberjinia hustua eta mamia beste alde batetik.
• Baratxuria brunoisean moztu eta gorde.
• Tipula mirepoix erara moztu eta gorde.
• Urdaiazpiko egosia dado txikitan moztu eta gorde.
• Perrexila brunoisean moztu eta gorde.
• Barrengorri saltsa prestatzeko osagaiak aurreelaboratu eta gorde.

ELABORAZIOAK

• Arrautzak egosi, freskatu eta dado txikitan moztu.
• Irineztatu eta olio bero ugaritan frijitu aurrez  hustutako alberjinia (gehiegi frijitzen badira forma galduko dute eta betetzeko ez dute balioko); ondo koipegabetu eta gorde.
• 90x90 eko bexamela prestatu.
• Betegarria: tipula sueztitu; koipea kendu; alberjiniaren mamia gehitu eta dena sueztitu; bexamela gehitu eta dena irakin; urdaiazpiko egosia eta arrautza gehitu; irakin eta gatz puntua eman. Hoztu.
• Alberjiniak betegarri hotzarekin bete.
• Barrengorri saltsa prestatu.

ZERBITZUA

• Barrengorri saltsa berotu.
• Alberjiniak gazta birrinduaz hautseztatu eta labean sartu berotzeko eta gainerretzeko.

PLATERATZEA

• Jarri saltsa plater zapal batean; jarri gainean alberjinia bero-bero eta gainerrea.
• Perrexil txikituarekin apaindu.