AURREELABORAZIOAK

• Baratxuria, tipula, piper gorria eta piper berdea eta perretxikoak brunoise erara moztu. Gorde.
• Otarrainxkak zuritu eta txikitu zati txikitan. Gorde.
• Kuiatxoak garbitu eta ebakitzeko makinaren laguntzarekin luzetara moztu xerra finetan. Gorde.
• Saltsa amerika prestatzeko osagaiak txikitu.
• Porruak juliana fin-finean moztu. Gorde.
• Perrexila brunoisean moztu. Gorde.

ELABORAZIOA

• Baratxuria, tipula, piper berdea eta piper gorria sueztitu; koipegabetu eta  perretxikoak gehitu; perretxikoak kozinatzen amaitu. (likido ugari agertzen bada kendu fartsa arinegi geldi ez dadin).
• Otarrainxka zatiak gehitu; sueztitu eta brandyrekin garreztatu; perrexila gehitu; eta saltsa amerikar lodi apur batekin ondu; nahastura irakin.
• 90x90-ko bexamel bat gehitu eta dena irakin; gatz puntua eman. Hoztu ahalik eta azkarren.
• Kuiatxoak: galdarraztatu ur gazian; freskatu eta xukatu.
• Kuiatxo xerrak gurutze bat osatuz jarri gainazal garbi batean; betegarri koilarakada bat jarri erdian; tolestu kuiatxo xerrak betegarriaren inguruan laukitxo forma emanez, emaitza faldeltxo bat izango da. Ondoren, nahi izanez gero, arrautzeztatu daitezke.
• Saltsa amerikarra prestatu. Gorde.
• Porrua juliana erara irineztatu pixka bat eta frijitu gutxika astiro-astiro olio bero ugaritan; koipegabetu eta gorde.

ZERBITZUA

• Labean berotu kuiatxoak (3 edo 4 unitate anoako tamainaren arabera).
• Saltsa berotu.

PLATERERATZEA

• Plater batean saltsa bota.
• Kuiatxo beteak ipini.
• Erdian porru frijitu pixka bat ipini.
• Perrexil txikituaz hautzestatu.

Oharrak:

• Fartsak bezperan egitea komeni da hotzitu dadin. 
• Perritxikoekin beharrean onddoekin egin daitezke.