AURREELABORAZIOAK

• Garreztatu eta garbitu hankatxoak. Gorde
• Zuritu eta xehetu paisana lodian tipula, azenarioa eta porruaren berdea. Gorde.
• Xehetu perretxikoak dadotxoetan. Gorde. (Terrina)
• Xehetu perretxikoak juliana erara. Gorde. (Hornigarria)
• Zuritu eta xehetu barazkiak saltsa bizkaitarra prestatzeko. Gorde.
• Zuritu eta xehetu tipula juliana erara piperrada egiteko. Gorde.
• Zuritu, garbitu eta moztu porrua juliana fin-finean. Gorde.
• Xehetu perrexila. Gorde.

 ELABORAZIOA

Aurreko egunean:

• Egosi txerri-hankak presio eltzean 45 minutu. (3 ordu presio gabe). Egosketa saldatik atera, salda iragazi eta gorde terrina egiteko.
• Hezurgabetu txerri-hankak kontu handiz. Zatitu dadotxoetan. Gorde.
• Salteatu perretxikoak eta gatza bota ateratzean. Gorde

Terrinaren muntaia:

• Tartekatu txerri-hanka geruzak eta perretxiko geruzak puding molde batean, joan salda "beroarekin" bustitzen moldea bete arte.
• Sartu kamaran txerri-hanken gelatina gogortzeko.

Egunean bertan:

• Prestatu piperrada.
• Egin Bizkaitar Saltsa.
• Salteatu perretxikoak hornigarri gisa.
• Moldetik atera pudina eta nahi den forman moztu (Adib. argazkia), birrineztatu eta gorde.
• Irineztatu porrua pixka bat eta kontu handiz frijitu. Gorde paper xurgatzailearen gainean.

ZERBITZUA

• Frijitu terrina zatiak. Paper xurgatzailearen gainera atera.

PLATERERATZEA

• Jarri bizkaitar saltsa plateraren gainean.
• Ipini terrina zatiak platerean.
• Ipini alde batera piperrada eta bestean perretxikoak.
• Apaindu porru frijituarekin eta perrexil xehetuarekin hautseztatu.