AURREELABORAZIOAK

• Endibiak: alde gogorrak baztertu eta Hostoak banandu; garbitu eta ondo xukatu. Gorde.
• Azenarioa zuritu eta juliana finean moztu edo birrindu. Gorde.
• Intxaur zurituak apurtu apur bat eta gorde.
• Perrexila brunoisean moztu eta gorde.

ELABORAZIOA

• Roquefort krema: esnegaina erdi harrotu; gehitu gatza, piperbeltz zuria eta baita aurretik pikorrak kentzeko landuko dugun roquefort gazta ere; irabiatzen jarraitu esnegaina ia guztiz harrotu arte, gatz eta piperbeltz zuria puntua eman . Arintzea nahi izanez gero esne hotza gehitu dakioke. 
• Roquefort saltsa: turmix txikiarekin esnea, roquefort gazta eta hotz ez dagoen esnegaina nahastu aurreko kremak baino ehundura likidoagoa duen saltsa lortu arte. Gorde.
• Ozpin-olioa  prestatu eta gorde.

PLATERERATZEA

• Plater apalaren erdian roquefort krema apur bat ipini.
• Txertatu 4 endibia hosto bertan gurutze forma emanez eta horien artean, beste 4 apur bat goruntz altxatuak.
• Gainetik azenarioa gehitu. 

ZERBITZUA

• Endibiak ozpin-olio apur batekin apailatu.
• Roquefort saltsa apur bat gehitu.
• Intxaur puskatuez eta perrexilez hautseztatu.