AURREELABORAZIOAK

• Desisoztu olagarroa eta muskuiluak kamaran.
• Higienizatu urazak. Gorde.
• Xehetu perrexila.

ELABORAZIOA

• Garbitu patatak eta egosi azalarekin. Hotzitu pixka bat, zuritu eta xaflatan moztu.
• Galdarraztatu muskuiluak. Freskatu eta alboko sokak kendu. Gorde.
• Egosi olagarroa. Izutu, gatzik gabeko ur irakinean hiru aldiz sartu eta ateraz, eta egosi (1 edo 2 kg. bitarteko pisurako 30 min. gutxi gorabehera). Hotzitu eta moztu 1 cm-ko xerratan. Gorde.
• Ali-oli-a prestatu. Gorde
• Prestatu ozpin-olioa. Gorde.

PLATERERATZEA

• Ipini plater erdian uztai bat, ali-oli pixka bat uztai barruan eta patata geruza bat jarraian.
• Gehitu ali oli pixka bat eta olagarroa xerra batzuk eta muskuiluren bat.
• Gehitu ali-oli pixka bat eta ipini patata gehiago.
• Gehitu ali-oli pixka bat eta bukatu olagarroa eta muskuiluekin. (Nahi izanez gero altuera gehiago eman ahal zaio)
• Ipini urazak uztaiaren inguruan.

ZERBITZUA

• Hautseztatu piperrautsarekin olagarroaren gainetik.
• Kendu uztaia eta jarri ali-oli saltsa.
• Apailatu urazak ozpin-olioarekin.
• Perrexil txikituarekin hautseztatu.