ELABORAZIOA

• Gnochien orea egiteko, batatak azala eta guzti ur hotzetik hasita egosi. Zuritu eta puregailuan bahetu.
• Irina, gorringoak, gurina eta azukrea gehitu eta oratu ore bigun eta itsasgarria lortu arte.
• Luzatu eta gnochiak eratu gehiegi zapaldu barik. Estali eta giro tenperaturan kontserbatu.
• Pesto gozoa egiteko hari ahula baino arinagoa den (90-100ºC) urazukre bat egin.
• Pinaziak txigortu labean. Gutxi batzuk apaintzeko gorde. Besteak pestoa egiteko dira.
• Urazukrea, albahaka eta pinaziekin thermomixean jarri eta ondo birrindu pesto arin baten ehundurako nahaste bat eduki arte.
• Anana errearen izozkia egiteko, anana zuritu eta zatitu. 80gr azukrearekin laberatu 190ºCtan 20 minutu inguru (egindako zatien lodieraren arabera)
• Bestalde 30gr azukre 25gr Jerez ozpinarekin sutan jarri bere bolumenaerdira murriztu arte.
• Anana errea, ozpin murrizketa, esnegain epela eta esnea thermomixean sartu eta pure bat egin arte birrindu.
• Pacojetaren ontzi batean sartu eta gutxienez 12 ordu eduki -18ºCtik behera dagoen izozkailu batean.
• Anana coulisa egin: anana zatitu eta ur eta azukrearekin irakin ondo bigundu arte. Turmixetik xehatu eta txinotik iragazi. Biberoi batean jarri.
• Albahaka hautsa egin: albahaka hostoak paper xurgatzaileaz estalitako plater batean mikrouhin labean sartu eta 10 segunduro zabaldu. Guztiz lehor dagoenean iragazki batetik pasatu hautsa lortu arte.
• Kefirra iragazi.

ZERBITZUA

• Gnochiak ekilore oliotan frijitu eta ondo xukatu. Azukretik pasatu.
• Anana izozkia atera eta beharrezkoak ditugun anoa kopurua turbinatu.
• Anana coulisarekin marra batzuk irudikatu.
• Gnochiak platerean jarri bata bestearen alboan, pestoarekin hauen gainetik marra bat egin eta alboan anana izozki kenefa bat jarri.
• Txigortutako pinazi batzuekin, anana dadotxo batzuekin, albahaka hostotxo batzuekin eta pesto tanta batzuekin apaindu. Kefir marratxo bat alboan jarri. Albahaka hautsarekin platera apaindu marra bat eginez.