AURREELABORAZIOAK:

Brioche-ogiaren masa:

- Burruntzali batean esne-gaina legamiarekin berotzen dugu erabat desegin arte.

- Irina, gatza eta azukrea nahastu, eta pixkanaka legamia eta esnegaina isuriko ditugu, oratzen ari garen bitartean.

- Aldez aurretik labearen gainean utzitako gurina eta arrautzak gehitu.

- Kitchenarekin oratzen dugu ordu erdiz gutxienez.

- Bola bat egin eta filmarekin estaliko dugu, ordubetez labearen gainean hartzitzen utziko dugu, edo zortzi orduz kameran.

Oilaskoa:

- Oilasko-izterrak hezurgabetu eta xerratu, esnez eta baratxuriz marinatu ganberan gutxienez ordubetez.

Patatak:

- Moztu patatak txip moduan mandolinarekin eta gorde ur hotzetan.

Elaborazioak

Brioche ogia:

- 80 g-ko opilak egin, eta laberatu 20 minutuz 160º-tan, ogia egin arte. Margotu gainazala arrautza-gorringoarekin, eta txigortu 180º-tan bi minutuz.

Oilaskoa:

- Xerrak xukatu eta pankoarekin enpanatu. Frijitu olio bero ugarirekin eta pasatu gastrorm batera paper xurgatzailearekin gehiegizko olioa kentzeko.

Saltsak:

Eztia eta ziapea:

- Nahastu eztia, ziapea eta maionesa.

Saltsa arrosa karamelatutako ananarekin:

- Karamelatu anana bere zukuarekin eta azukre pixka bat zartaginean.

- Egin saltsa arrosa bat ketchup, maionesa eta tabaskoarekin eta gehitu karamelatutako anana, birrindu irabiagailuarekin.

Patatak:

- Frijitu patatak parisien batean olio ugarirekin.

Zerbitzua

- Jarri hanburgesa letxuga pixka batekin eta tomate xerra batekin, gero plateraren erdian ipini. Eskuinean, jarri patata pila bat eta  saltsekin aurrez bete ditugun pipetak.