AURREELABORAZIOAK

• Azenarioak biribildu (edo ilargi erditan moztu edo dadotxoetan) eta gorde.
• Kuiatxoak biribildu (edo ilargi erditan moztu edo dadotxoetan) eta gorde.
• Lekak erronbotan edo bastoietan moztu eta gorde.
• Azalorea loratxotan bereizi eta gorde.
• Zerba orri-mamiak aurreelaboratu, zatitan moztu eta gorde.
• Orburuak aurreelaboratu eta gorde.
• Tomatea xerretan moztu eta gorde.
• Urdaiazpiko xerra finetan moztu eta gorde.
• Veloutearen osagaiak aurreelaboratu eta gorde.
• Perrexila brunoisean moztu eta gorde.

 ELABORAZIOA

• Egosi ingeles erara bananduta: azenarioak, lekak, azalorea, ilarrak, ziazerbak. Freskatu, eta ziazerba ondo xukatu, txikitu eta bolak egin.
• Salda zurian egosi bananduta zerba orri-mamiak eta orburuak.
• Arrautzaztatu eta frijitu, zerba orri-mamiak eta tomate-xerrak . Gorde. 
• Egosi arrautzak, freskatu, zuritu eta bitan edo laurdenetan moztu. Gorde.
• Egin veloutea eta gorde.
• Lehortu labean urdaiazpiko-xaflak urdaiazpiko-kurruskaria egiteko. Gorde.
• Jarri barazkiak rondoi batean arrautzeztatuak izan ezik, gehitu veloutea eta eman irakinaldi bat.

ZERBITZUA

• Irakinarazi barazki-menestra.
• Berotu labean edo mikrouhin-labean arrautzaztatuak.

PLATERERATZEA

• Ipini plater zapalean barazki-menestraren oinarria.
• Jarri gainetik osagai arrautzaztatuak, arrautza gogorra, zainzuria eta urdaiazpiko-kurruskaria.
• Hautseztatu perrexilez.