• Txitxarroaren solomoa hiru zatitan moztu eta hozkailuan gorde.
• Berakatz krema egin.
• Muskuiluak ardo zuri apur batekin lurrunetan zabaldu. Ura erreserbatu eta muskuiluen haragia ondo txikitu.
• Algak ur apur batean hotzetik hasita egosi. Algak atera eta itsas letxugak juliana finean moztu. Konbu baztertu eta ura iragazi. Muskuiluen urarekin nahastu eta fumetarekin luzatu. Irakin eta gatzaz egokitu.
• Piperrauts eta berakatz olioa egin.
• Patatak okin modura moztu baina oraindik finagoak. Gatzeztatu eta oliotan murgilduta konfitatu bigun egon arte. Xukatu eta erreserbatu.
• Perrexila txikitu.

PLATEREZTATU:

Zerbitzuan txitxarroa plantxan egin guztiz sukaldatu gabe. Bandejatxo batean patatekin batera milorri bat osatu: txitxarro, patata, txitxarro, patata eta txitxarroarekin amaitu, azala gorantza duelarik. Laberatu sukaldatzen amaitzeko eta patata berotzeko. Zalda irakin. Plater sakon baten erdian milorria ipini. Gainean berakatz krema koilarakadatxo bat eta inguruan muskuilu txikituak eta algak julianan jarri. Piperrauts olio haritxo batekin inguratu eta perrexil txikituaz hautseztatu plater osoa. Milorriaren inguruan izotz lehor puskak jarri, perrexil txorta batekin apaindu eta pitxar batean itsas zalda oso beroa zerbitzatu jantokian kamareroek bazkaldarraren aurrean zerbitza dezaten platerean lainoa sortuz.