AURREELABORAZIOAK

• Zuritu tipula eta moztu juliana erara.(Lodiago baserri-giroko itxura eman nahi bada). Gorde.
• Zuritu berakatza eta moztu xerratan. Gorde.

ELABORAZIOA

• Labean erre piper gorriak 200-220º C-an (edo sutan), gatz eta ekilore olio pixka batekin, azala gorritu arte. Hozten utzi pixka batean eta moztu gero juliana erara (tipula bezalako lodieran) 
• Sueztitu berakatza eta tipula.
• Frijitu piper berdeak ekilore oliotan (olio gehiegi ez erabili). Ontzi batera atera, ur eta izotzarekin, gero zuritzen laguntzeko. Zuritu eta moztu juliana erara (piper gorriak bezala).
• Tipula erdi eginda dagoenean, koipegabetu eta piperrak gehitu. Sueztitu dena bigundu arte eta gatz puntua eman.
• Aukeran, tomate saltsa edo bizkaitarra gehitu gero izango duen erabileraren  arabera. 
• Egosi minutu batean.