AURREELABORAZIOAK

• Aurreko egunean jarri beratzen txitxirioak uretan eta gatz pixka batekin. (ur epela aukeran)
• Zuritu eta txikitu tipula brunoise erara, eta azenarioa eta porrua ilargi erditan. Gorde.
• Bakailaoa desisoztu kameran.

ELABORAZIOA

• Iragazi eta garbitu txitxirioak ur hotz ugaritan.
• Jarri ur hotza marmita erdi batean barazki ongarriekin eta oliba-olio pixka batekin eta sutan jarri.
• Gehitu txitxirioak ura irakiten hasten denean. Gatz pixka bat gehitu eta bitsatu noizean behin.
• Mantendu irakiten su txikian txitxirioak bigundu arte.
• Ziazerbak egosi ingeles erara, freskatu, xukatu eta xehetu. Gorde.
• Moztu bakailaoa dadotxotan (azalarekin). Gorde
• Egosi arrautzak. Freskatu eta banandu gorringoa eta zuringoa. Zuringoa dadotxotan moztu eta gorde gorringoa majatua egiteko.
• Egin ehotu bat (majatu bat): kozinatu baratxuriak oliotan, pixka bat txigortu arte, gehitu piperrauts gozo pixka bat sutatik kanpo (erre ez dadin). Isuri almaiza batera eta ogi lehor frijitua eta gorringo egosia gehitu. Txikitu dena. Txitxirioei gehitu eta irakinaldi bat eman.
• Gehitu txikitutako arrautza zuringoa, ziazerbak, bakailaoa eta irakinaldi bat eman.
• Puntuan ipini.

ZERBITZUA

• Sopa-ontzi batean aurkeztu plater baten gainean.