AURREELABORAZIOAK:

• Txerri-muturrak ondo garbitu, ileak erre eta lau zatitan moztu.
• Erreboiloak garbitu, hezurgabetu eta anoatu.
• Erreboilo zatiak gatz larritan sartu 3 minutuz; ur hotzarekin garbitu eta ondo lehortu. 60ºCtan dagoen ekilore oliotan murgildu 6 minututan; handik atera eta hozkailuan kontserbatu zerbitzuraino.
• Risottoa egiteko tipuleta brunoissean txikitu.
• Perrexila txikitu.

ELABORAZIOA:

• Aurreko egunean perrexil merengea egin.
• Txerri-muturrak , porruaren  berdea, tipula, azenarioa, oliba-olioa eta gatzaz  usaindu eta egosi ur hotzetan ordu eta erdiz
• Atera, xukatu eta salda iragazi.
• Muturrak hotz daudenean, txikitu, gutxi gora behera arrozaren tamainakoa.
• Perrexil olio bat egin.
• Risottoa markatu: tipuleta sueztitu, muturra gehitu eta dana ondo berotu, glacea gehitu eta, azkenik, arroza bertan goxotu. Piperrauts gozoa gehitu eta nahastu.
• Txerri salda berotu.
• Risottoa busti berotu dugun egosketaren saldarekin (arrozaren bikoitza eta apur bat gehiago). Nahastu eta gatzaz egokitu. Su motelean egin arroza egina egon arte eta melatsua izan arte. (18 minutu inguru).

ZERBITZUA:

• Erraboiloa labean sartu 140ºCtan bost minutu inguru (solomoaren lodieraren arabera).
• Risottoa berotu eta kenefa bat jarri platerean.
• Erraboiloa eginda dagoela platerean jarri honen zati bat risottoaren gainean geratu dadila. 
• Bi elementuen artean perrexil merengea jarri.
• Arrainaren inguruan perrexil olioarekin apaindu eta erraboiloaren gainetik Añanako gatza eta perrexil txikituaz hautseztatu.